ЦХИНВАЛ, 27 авг — Sputnik. Ӕртӕ проекты Цӕгат Ирыстонӕй ссисты Ӕппӕтуӕрӕсейаг конкурс "Малые города и исторические поселения"-ы уӕлахиздзаутӕ.
Республикӕйы сӕргълӕууӕг Сергей Меняйло ныффыста йӕ телеграм-каналы, фидӕн аз Цӕгат Ирыстоны ӕртӕ районы кӕй ацӕудзысты егъау хӕрзарӕзтадон куыстытӕ.
"Алагиры арӕзт ӕрцӕудзӕн улӕфӕн зонӕ. Беслӕны хӕрзарӕзт скӕндзысты Рахизбылгӕрон культурӕйы Хӕдзары территори, Мӕздӕджы та Уӕлахизы Парчы территори", - банысан кодта Меняйло.
Ацы проектты реализацийы фӕдыл иумӕйаг грант рацыд 270 милуан сомы.