ЦХИНВАЛ, 27 авг - Sputnik. Уæрæсейы хицауад уæлæмхасæй рахицæн кодта 3,7 миллиард сомы федералон бюджетæй, цæмæй сифтонг кæной ахуырадон уагдæттæ интернетæй. Æмбæлон барамынд бафыста хицауады сæрдар Михаил Мишустин, хъусын кæны Уæрæсейы министрты кабинеты официалон сайт.
"Ныры кæстæр фæлтæр сты нæ бæстæйы фидæн. Æмæ хъæуы саразын алцыдæр, цæмæй уыдон равдисой сæ курдиат, сæххæст кæной сæ нысæнттæ", - загъта Мишустин.
Хицауады банысан кодтой, ацы мадзалы руаджы интернетæй пайда кæныны фадат кæй уыдзæн 49,2 мин паддзахадон æмæ муниципалон ахуырадон уагдонæн.