ЦХИНВАЛ, 30 авг – Sputnik, Дзӕгъиаты Олег. Ирыстойнаг спортсментӕ Беслехъты Зауыр ӕмӕ Дзабиты Алан хайад райсдзысты дунейы чемпионаты греко-римаг хъӕбысхӕстӕй 21 азы кары спортсменты ӕхсӕн Испанийы (Понтеведре).
Беслехъты Зауыр тох кӕндзӕн майдантыл 72 килограммы уӕзы категорийы Уӕрӕсейы командӕйы сконды.
Дзабиты Алан та дунейы чемпионаты архайы 130 килограммы уӕзы категорийы Болгарийы командӕйы сконды.
Дунейы чемпионат спортивон хъӕбысхӕстӕй цӕудзӕн Испанийы 2-8 сентябры. Ерысты хайад райсдзысты 700 спортсмены. Уӕрӕсейаг хъӕбысӕйхӕцджытӕ архайдзысты нейтралон статусы.