ЦХИНВАЛ, 30 авг - Sputnik, Томайты Аманда. Хуссар Ирыстоны ацы аз фыццаг къласмӕ бацӕудзысты 600-ӕй фылдӕр сывӕллоны. Уый тыххӕй Цхинвалы пресс-конференцийыл фехъусын кодта ахуырад ӕмӕ зонады министр Лолаты Аслан.
"Фарон фыццаг къласмӕ бацыдысты 635 сывӕллоны, ацы аз документтӕ бадӕттой 585 адӕймаджы. Фӕлӕ мах ӕнхъӕлмӕ кӕсӕм фароны цифрӕтӕм", - загъта министр.
Лолаты Аслан бахахх кодта, зӕгъгӕ, республикӕйы скъолатӕм нырма дӕр исынц документтӕ.