ЦХИНВАЛ, 6 сен — Sputnik, Плиты Фатимӕ. Цхинвалы Уырыссаг хӕдзары базӕйыл байгом уыдзӕн историон клуб. Уый тыххӕй фехъусын кодта Россотрудничествойы минӕварады сӕргълӕууӕг Хуссар Ирыстоны Сергей Комиссаров программӕ "Здравствуй, Россия"-йы хайадисджытимӕ фембӕлды рӕстӕджы.
"Ӕввахс рӕстӕджы мах нывӕндӕм саразын историон клуб Хуссар Ирыстоны паддзахадон университеты кусджытимӕ. Клубы уагъд цӕудзӕн баныхас алыхуызон историон темӕтыл сӕрибар хъазӕн форматы", - банысан кодта уый.
Сергей Комиссаровы фембӕлд программӕйы хайадисджытимӕ ацыд цыппӕрӕмы изӕры. Алыхуызон конкурстӕ ӕмӕ программӕты уӕлахиздзаутӕ Уалыты Аслан, Быценты Мария, Джиоты Анна, Уанеты Валерия ӕмӕ Санахъоты Лана ссисты программӕ "Здравствуй, Россия"-йы хайадисджытӕ ацы аз.