ЦХИНВАЛ, 9 сен - Sputnik. Цӕгат Ирыстоны дарддӕр цӕуы Алагиры комӕй Дыгургоммӕ фӕндаджы реконструкци – ныртӕккӕ уым арӕзт цӕуынц ӕнцойгӕнӕн къултӕ, фехъусын кодта къуырисӕры республикӕйы сӕргълӕууӕг Сергей Меняйло.
Фӕндаджы хайы реконструкци райдыдта ивгъуыд аз.
Республикӕйы къухдариуӕгад ӕдзух йӕ цӕст дары монтажон куыстытӕ ӕмӕ технологион операцитӕм арӕзтадон куыстыты рӕстӕджы, загъта Меняйло.
"Фӕндаг у тынг ахсджиаг: уый бӕтдзӕн Алагиры ком Дигургомимӕ, фӕхуыздӕр кӕндзӕн транспортон ӕмӕ экономикон бастдзинӕдтӕ республикӕйы районты ӕхсӕн, айгӕрддзӕн ног туристон маршрут", - бахахх кодта республикӕйы сӕргълӕууӕг.
Меняйлойы ныхӕстӕм гӕсгӕ, куыстытӕ уагъд цӕуынц националон проект "Безопасные качественные дороги"-йы фӕлгӕтты, аразджытӕ фӕнд кӕнынц фӕуын куыстытӕ фидӕн азы кӕронмӕ.