ЦХИНВАЛ, 9 сен - Sputnik. Красноярскы фӕцис ӕртӕ хатты олимпиаг чемпион Бувайсар Сайтиевы призтыл ӕхсӕнадӕмон турнир уӕгъдибар хъӕбысхӕстӕй. Цӕгат Ирыстоны спортсментӕ равдыстой сӕ курдиат ӕмӕ рамбылдтой майдантӕ алыгъуызон уӕзы категориты, хъусын кӕны 15-ӕм Регион.
Габуты Сослан рамбылдта сыгъзӕрин майдан 92 килограммы уӕзы категорийы. Финалон тохы ирон богал фӕуӕлахиз йӕ ныхмӕлӕууӕгыл Воронежы областӕй Егор Сениныныл.
Ноджы ма иу майдан та рамбылдта Хуыгаты Аслан 71 килограммы уӕзы категорийы. Ирон спортсмен бацахста ӕртыккаг бынат ирд ралӕуд равдисгӕйӕ.
Ерысты хайад райстой 18 азы онг кары спортсментӕ.