ЦХИНВАЛ, 17 сен - Sputnik. Цӕгат Ирыстоны футболон клуб "Алани"-йы сӕргъ ногӕй слӕууыд Гогниты Спартак, фехъусын кодта футболон клубы пресс-службӕ.
Знон футболон командӕ "Алани"-йы тренерон штабӕй ацыдысты Бететы Сослан ӕмӕ Султан Тазабаев.
Ног сӕйраг тренеры бавдыстой хъазджытӕ ӕмӕ административон штатӕн дыццӕджы.
Гогниты Спартак уыд "Алани"-йы сӕйраг тренер 2018-2022 азты. Уыцы период командӕ схызт дыккаг лигӕйӕ Футболон националон лигӕмӕ, афтӕ ма ахызт Уӕрӕсейы Кубокы ӕрдӕгфиналмӕ.