ЦХИНВАЛ, 18 сен – Sputnik, Дзæгъиаты Олег. Хуссар Ирыстоны хицауад æртыццæджы рабадтыл рахаста скъуыддзаг саразын æхсæнуагдонон кусæгон къорд аппаратон-программон комплекс "Æдас горæт"-ы системæты райрæзты фарстыты фæдыл.
Мидхъуыддæгты министр Гуыцмæзты Аланы ныхæстæм гæсгæ, кусæгон къорд у æнæмæнгхъæугæ, цæмæй арæзт æрцæуа угонд информацион тыгъдад æмбæстæгтæ республикæйæн ахсджиаг объектты хъахъхъæнынадæн.
Хицауады уæнгтæ æмхъæлæсæй сразы сты ацы уынаффæ райсыныл.