ЦХИНВАЛ, 18 сен - Sputnik. Хуссар Ирыстоны юстицийы министр Джиоты Алан ӕмӕ Уӕрӕсейы юстицийы министр Константин Чуйченко бафыстой бадзырд тӕрхондоны приставтӕ ӕмӕ ӕфхӕрдтӕ ӕххӕст кӕныны фӕткдаруаты (ӔӔФ) кусджыты пенсион ифтонгады фӕдыл, фехъусын кодта республикӕйы юстицийы министрады пресс-службӕ.
"Мӕскуыйы бафыстӕуыд Бадзырд Хуссар Ирыстон ӕмӕ Уӕрӕсейы ӕхсӕн "Тӕрхондоны приставтӕ ӕмӕ ӕфхӕрдтӕ ӕххӕст кӕныны фӕткдаруаты кусджыты пенсион ифтонгады фӕдыл", - банысан кодтой юстицийы министрады.
Министрады бахахх кодтой, бадзырды руаджы хуссарирыстойнаг тӕрхондоны приставтӕ ӕмӕ ӕфхӕрдтӕ ӕххӕст кӕныны фӕткдаруаты кусджыты пенситӕ схиздзысты Уӕрӕсейы ӕмбӕлон структурӕты пенситы ӕмвӕзадмӕ.