ЦХИНВАЛ, 19 сен – Sputnik, Дзæгъиаты Олег. Хуссар Ирыстоны бюджетон уагдæтты кусджытæ ацы аз сентябры кæрæтты райсдзысты фæфылдæргонд мыздтæ. Уый тыххæй Sputnik-ы пресс-конференцийы рæстæджы фехъусын кодта РХИ фæллойады министр Гаглойты Олег.
Гаглойты Олегы ныхæстæм гæсгæ, мыздтæ фæфылдæр уыдзысты бюджетникты 10 категорийæн:
- иумæйаг ахуырады ахуыргæнæндæтты педагогон кусджытæ;
- уæлæмхас ахуырады ахуыргæнæндæтты педагогтæ;
- уæлдæр профессионалон ахуырады ахуыргæнæндæтты педагогтæ;
- дохтыртæ;
- астæуккаг медицинон персонал;
- кæстæр медицинон персонал;
- уæлдæр профессионалон ахуырад æмæ зонадон уагдæтты ахуыргæнæндæтты зонадон кусджытæ;
- социалон ифтонгкæнынады уагдæтты кусджытæ;
- культурæйы къабазы сæйраг персонал;
- физикон культурæйы тренертæ-хъомылгæнджытæ.
Гаглойты Олег
© Sputnik / Natalia Airiyan