ЦХИНВАЛ, 2 окт – Sputnik. Хуссар Ирыстоны мидхъуыддæгты министр Гуыцмæзты Алан йæ кусджытæн бахæс кодта бинонты `хсæн тыхбахасты ныхмæ иттæг карзæй архайын. Уыцы темæйыл ныхас цыд, æхсæнадон æдасдзинады милицийы дæлхайæдты къухдариуæггæнджытимæ йын цы `мбырд уыд, уым, хъусын кæны министрады пресс-службæ.
Гуыцмæзты Алан куыд загъта, афтæмæй профилактикон мадзæлттæй дарддæр барадхъахъхъæнджытæ хъуамæ тынгдæр æфхæрой тыхмигæнджыты. Æхсæнадон фæтк чи халы, уыдон, министры уынаффæмæ гæсгæ, хъуамæ бавзарой закъоны карздзинад, уымæн æмæ æхцайæ ивар æмбæлон æгъдауæй нæ ахады.