ЦХИНВАЛ, 9 окт – Sputnik. Хуссар Ирыстоны мидхъуыддæгты министрады пресс-службæйы куыд фехъусын кодтой, афтæмæй сæм горæтаг управленийы радгæсон хайадмæ бахатыд Цхинвалы 68-аздзыд цæрæг. Уый радзырдта, йæ дуканимæ йын цавæрдæр нæлгоймаг кæй бахызт æмæ, тыхæй спайда кæнгæйæ, кассæйæ 30 мин сомы кæй ахаста.
Барадхъахъхъæнджытæ азымджын кæнынц 44-аздзыд нæлгоймаджы. Ныртæккæ ис рæстæгмæ дарыны камерæйы. Цау æвзары мидхъуыддæгты горæтаг управлени.