ЦХИНВАЛ, 10 окт – Sputnik. Президент Гаглойты Аланæн радзырдтой, Хетæгкаты Къостайы номыл премийы фæдыл къамис цы куыст бакодта, уый тыххæй. Хатдзæгтæ йын скодта къамисы сæрдар Джиоты Мурат.
Уый фехъусын кодта, кæй сæм балæвæрдтой 12 куысты. Уыдонæй конкурсмæ айстой дæс. Æртæ куысты хауынц литературæйы номинацимæ, ноджы æртæ – аивады къабазмæ, дыууæ – публицистикæмæ, фæйнæ иу куысты та бахастой историон зонæдты æмæ филологийы номинацитæм.
Премийæ хорзæхджын кæныны церемони ацæудзæн Паддзахадон драмон театры.