ЦХИНВАЛ, 10 окт – Sputnik. Æхсæнадæмон аэропорт "Дзæуджыхъæу"-æй уыдзæн комкоммæ рейстæ мысыраг курорт "Шарм-эль-Шейх"-мæ. Дыккæгæм ноябрæй уырдæм тæхын райдайдзысты "Уральские авиалинии"-йы хæдтæхджытæ.
Рейстæ уыдзысты къуыри иу хатт, сабаты. Аэропорты сайты куыд фыст и, уымæ гæсгæ балц бацахсдзæн фондз сахаты.
Дзæуджыхъæуы аэропортæй атæхæн ис Турк, Азербайджан æмæ Египетмæ, афтæ ма Уæрæсейы горæттæм: Сочи, Екатеринбург, Казань, Пермь, Санкт-Петербург æмæ Мæскуымæ. Знон ТАСС куыд фехъусын кодта, афтæмæй 2025 азæй рейстæ уыдзæн Тюмень, Астрахань æмæ Челябинскмæ дæр.