ЦХИНВАЛ, 11 окт — Sputnik. Хуссар Ирыстоны спортсментæ бацархайдзысты Давид Мусульбесы призтæ рамбулыны сæраппонд æппæтуæрæсейаг ерысты уæгъдибар хъæбысхæстæй, фехъусын кодта Цæгат Ирыстоны спорты министрады пресс-службæ. Ерыстæ цæудзысты Дзæуджыхъæуы 12-13 октябры. Уым сæ тыхтæ бафæлвардзысты, 16 азы онг кæуыл цæуы, ахæм хъæбысæйхæцджытæ алы бæстæтæй.
Нæ республикæйы минæвæрттæй дарддæр сæ арæхстдзинад æвдисдзысты Уæрæсе, Абхаз, Беларусь, Азербайджан, Казахстан, Гуырдзыстон, Сомихстон, Киргизи æмæ Узбекистаны спортсментæ.
Давид Мусульбес у олимпаг чемпион, дыууæ хатты дунейы чемпион уæгъдибар хъæбысхæстæй. Райгуырдис Орджоникидзейы (ныры Дзæуджыхъæуы).