ЦХИНВАЛ, 11 окт — Sputnik. Хуссар Ирыстоны паддзахадон университеты ацыд фыццагкурсонты æрвылазон бæрæгбон "Посвящение в студенты". Студентты рæнхъытæм сæ кæй айстой, уый фæдыл сын арфæ ракæнынмæ æрбацыд паддзахады сæргълæууæг Гаглойты Алан.
"Фыццагкурсонты раз ис стыр хæс – Хуссар Ирыстоны паддзахадон университеты рауагъдонтæ æхсæнады царды къабæзты цы бæрзæндтæм схызтысты, уыдон бахъахъхъæнын", – загъта президент.
Церемонийы бацархайдтой уæлдæр ахуыргæнæндоны сфæлдыстадон коллективтæ. Сæйраг цау та ссис фыццагкурсонты ардбахæрд.