ЦХИНВАЛ, 11 окт – Sputnik. Æвзонг натуралистты республикон станцæйы ахуыргæнинæгтæ адæмы рæгъмæ рахастой сæ куыстытæ: сæхæдæг кæй æрзайын кодтой, ахæм дыргътæ, халсартæ, дидинджытæ. Равдыст схуыдтой "Бæркадджын фæззæг".
Уæлдай цымыдис сæвзæрын кодтой æрдзон æрмæджытæй конд куыстытæ, хъусын кæны ахуырады министрады пресс-службæ.
Станцæйы хъомылгæнинæгтæ æмæ сæ ахуыргæнджытæ æрæмбырдуæвджытæн радзырдтой, зайæгойтимæ куыд архайгæ у, стæй сæ алы зианхæссæг цæрæгойтæй куыд бахизын хъæуы, уый тыххæй.