ЦХИНВАЛ, 14 окт – Sputnik. Президент Гаглойты Алан ис Мæскуыйы Ирыстоны культурæйы бонты. Уый тыххæй фехъусын кодта паддзахады сæргълæууæджы пресс-секретарь Босыкты Наталья.
Йæ ныхæстæм гæсгæ, Гаглойты Алан бабæрæг кæндзæн, абон цы стыр концерт ацæудзæн, уый. Бæстæйы сæйраг сценæмæ рахиздзысты Кафт æмæ зарды паддзахадон ансамбль "Симд" æмæ Цæгат Ирыстоны академион ансамбль "Алан".
Уæрæсейы Ирыстоны культурæйы бонтæ уадзынц æртæ ахсджиаг юбилейы банысан кæныны сæраппонд: Ирыстон Уæрæсеимæ куы баиу, ууыл 250 азы, Республикæ Цæгат Ирыстоны 100 азы æмæ Хетæгкаты Къостайы 165 азы юбилейтæ.