ЦХИНВАЛ, 11 окт — Sputnik. Уæрæсейаг æхсæнад "Знание" цæгатирыстойнаг скъоладзаутæн уадзы лекциты курс Нарты эпосыл. Лекцитæ цæуынц ирон æзвагыл. Уый тыххæй фехъусын кодта Цæгат Ирыстоны сæргълæууæг Сергей Меняйло.
"Сывæллæттæн аразынц национ культурæ æмæ аивадимæ баст алыхуызон мадзæлттæ. Сæйрагдæр та уый у, æмæ ахуыргæнæг семæ ныхас кæны сæ мадæлон æвзагыл: сывæллæттæ канд Ирыстоны тыххæй зонæнтæ нæ исынц, фæлæ ма сæ дзырдарæхстыл дæр кусынц", – загъта Меняйло.
Скъоладзаутæн ма дзурынц рагон ирон национ инструментты тыххæй, дыууадæстæнон фæндыры цагъдмæ та музыканттимæ иумæ кæнынц национ зарджытæ.