ЦХИНВАЛ, 15 окт — Sputnik. Абон Хуссар Ирыстоны ахуырадон уагдæтты райдыдта хъармгæнæн сезон, радзырдтой Sputnik-æн ахуырад æмæ зонады министрады пресс-службæйы. Сæ ныхæстæм гæсгæ, æппæт хъæугæ куыстытæ бакодтой, хъармгæнæн системæтæ басгæрстой æмæ сты æмбæлон уавæры.
Сæудæджерад, транспорт æмæ энергетикæйы комитеты сæрдар Къæбысты Ацæмæз куыд загъта, афтæмæй бахаста фæндон, цæмæй æппæт уагдæтты дæр хъармгæнæн сезон райдайа 15 октябры. Фæлæ нырма алы организаци дæр ахæм уынаффæ хæссы хицæнæй æмæ, хъармгæнæнтæ кæд баиу кæна, уыцы фарст йæхæдæг лыг кæны.