ЦХИНВАЛ, 15 окт - Sputnik. Миграцийы фарстыты фæдыл управленийы кусджытæ ауагътой рейдтæ – бабæрæг кодтой, фæсарæйнæгтæ рæстæгмæ цæрынц, 13 ахæм адресы.
Сгæрстыты рæстæджы рабæрæг сты закъонхæлдтытæ. Аст адæймаджы баййæфтой административон æфхæрд ивары хуызы.
Министрады куыд фæбæлвырддæр кодтой, афтæмæй ведомство æппынæдзух йæ хъус дары, республикæмæ чи `рцæуы æмæ дзы чи ацæуы, стæй ам чи цæры, уыцы мигранттæм, "цæмæй миграцион закъонæвæрды домæнтæ æнæмæнгæй æххæст цæуой".