ЦХИНВАЛ, 18 окт — Sputnik. Абон Цæгат Ирыстоны ацæудзысты республикæйы сæргълæууæджы призтæ рамбулыны сæраппонд æппæтуæрæсейаг ерыстæ бæхыл бадынæй. Уым сæ арæхстдзинад равдисдзысты Мæскуы, Мæскуыйы облæст, Рязань, Краснодары край, Калугæйы облæст æмæ Цæгат Ирыстоны хуыздæр барджытæ, фехъусын кодта Сергей Меняйло.
Республикæйы разамонæг фæбæлвырддæр кодта, Цæгат Ирыстоны кад кæй хъахъхъæндзысты Уæрæсейы чемпионаты призер Хъуысаты Алан æмæ æппæтуæрæсейаг ерысты уæлахиздзау Тменаты Дианæ.