ЦХИНВАЛ, 23 окт – Sputnik. Хуссар Ирыстоны президент Гаглойты Алан ӕрдзырдта тыхон структурӕты разамонджытимӕ ӕдасдзинады фарстытыл, афтӕ ма службӕйы фӕтыхджындӕргонд режиммӕ рахизыныл Гуырдзыстоны парламентон ӕвзӕрстыты период.
"Мах иууылдӕр уынӕм, куыд ӕндыгъд кӕны уавӕр нӕ хуссайраг сыхӕгтӕм. Уыдонӕ сӕ бон у аразын провокацитӕ Абхаз ӕмӕ Хуссар Ирыстоны ныхмӕ. Уый фӕдыл нӕ паддзахадон органтӕ ацы период хъуамӕ уӕлдай бӕрнон ӕххӕст кӕной сӕ хӕстӕ", - хъусын кӕны президенты ныхӕстӕ йӕ пресс-службӕ.
Гаглойты Алан банысан кодта, цӕрджытӕ ӕмбаргӕ ахаст кӕй хъуамӕ дарой фӕтыхджындӕргонд ӕдасдзинады мадзӕлттӕм, рейдтӕм ӕмӕ автотранспорты басгӕрсттӕм.