ЦХИНВАЛ, 24 окт - Sputnik. Уӕрӕсейы президент Владимир Путин нымайы цӕдисонтыл БРИКС-ы хӕдбар бӕстӕты, хъусын кӕны РИА Новости.
БРИКС-ы бӕстӕты саммит паддзахӕдты сӕргълӕуджыты хайадистӕй цӕуы Казаны 22-ӕй 24-ӕм октябры.
"БРИКС-ы сконды ис хӕдбар цӕдисон бӕстӕтӕ ӕндӕр ӕмӕ ӕндӕр континенттӕй алыгъуызон дин ӕмӕ культурӕимӕ", - загъта Путин БРИКС-ы саммиты рабадтыл.
Уӕрӕсейы президент банысан кодта, БРИКС-ы бӕстӕтӕн кӕй ис егъау политикон, экономикон, зонадон ӕмӕ демографион потенциал.
Афтӕ ма Владимир Путин фехъусын кодта стыр ивындзинӕдты тыххӕй бирӕполярон дунейы ӕмӕ бахахх кодта, БРИКС-ы бӕстӕтӕ хъуыддагыл кӕй ӕвдисынц сӕ бӕрнон ахаст дунейы фидӕнмӕ.
БРИКС-ы саммит райдыдта Казаны дыццӕджы, мадзалмӕ ӕрцыдысты 36 бӕстӕ ӕмӕ ӕхсӕз ӕхсӕнадӕмон организацийы минӕвӕрттӕ.