ЦХИНВАЛ, 25 окт – Sputnik. Хуссарирыстойнаг нывгӕнӕг Дзигойты Карина райса III Ӕхсӕнадӕмон конкурс "Кавказ. Притяжение будущего"-йы диплом.
"Ӕз уыдтӕн Хуссар Ирыстоны иунӕг минӕвар ацы конкурсы, хайад дзы истой 35 азы онг кары нывгӕнджытӕ. Ӕртӕ бавдисгӕ куыстӕй жюри равзӕрста "Бӕлццоны зарӕг", уый ахызт конкурсы финалон этапмӕ", - загъта Дзигойты Карина.
Дзигойты Карина у Колыты Аксойы номыл аивӕдты Лицейы рауагъдон ӕмӕ ахуыргӕнӕг, ис ын профессионалон аивадон ахуырад. Карина кусы графикӕйы здӕхты ӕмӕ ис аивадон къорд "Tshinval-5"-ы сконды.