ЦХИНВАЛ, 28 окт – Sputnik, Дзӕгъиаты Олег. Ирон спортсмен Хуыбылты Ален рамбылдта ӕвзист майдан дунейы чемпионаты уӕгъдибар хъӕбысхӕстӕй 24 азы онг кары спортсменты ӕхсӕн Албанийы.
Хуыбылты Ален ӕхсӕнадӕмон аренӕйы хъахъхъӕны Болгарийы спортивон кад. Ирон богал 125 килограммы уӕзы категорийы финалмӕ фӕндагыл рамбылдта ӕртӕ ныхмӕлӕууӕджы 22:3 иумӕйаг хыгъдӕй, фӕлӕ финалон тохы фембылд ирайнаг Амиррез Фардин Масуми Валадийӕн.
Уый размӕ турниры 86 килограммы уӕзы категорийы финалы фембӕлдысты дыууӕ ирон богалы – Джиоты Арсений ӕмӕ Багаты Арслан. Цымыдисон тохы 6:3 хыгъдӕй фӕуӕлахиз Багаты Арслан.