ЦХИНВАЛ, 28 окт - Sputnik. Цӕгат Ирыстон аразы федералон программӕйы проект, уый здӕхт уыдзӕн экскурсион-ахуырадон турты сорганизаци кӕнынмӕ сӕрмагонд ӕфсӕддон операцийы (СӔО) хайадисджыты сывӕллӕттӕн.
Ацы хъӕппӕрис фӕзынд Ярославлы областы сывӕллӕтты ӕнтыстджын балцы фӕстӕ Цӕгат Ирыстонмӕ.
"Ацы балц равдыста йӕ ахсджиагдзинад. Мах ныфс ис, проект кӕй уыдзӕн пайда нӕ сывӕллӕттӕн ӕмӕ фӕтыхджындӕр кӕндзӕн ӕхсӕнрегионалон бастдзинӕдтӕ", - ныффыста Цӕгат Ирыстоны сӕргълӕууӕг Сергей Меняйло йӕ Telegram-каналы.
Ярославлы областы туризмы министр бахахх кодта, уыдон дӕр цӕттӕ кӕй сты райсын сӕхимӕ Цӕгат Ирыстонӕй сывӕллӕтты.