ЦХИНВАЛ, 30 окт - Sputnik. Хуссар Ирыстоны Ӕддагон разысгӕрсты службӕ ӕртыццӕджы нысан кӕны уагдоны сӕвзӕрды 21-ӕм афӕдзы бон. Уый фӕдыл республикӕйы президент Гаглойты Алан фембӕлд сӕрмагонд службӕйы разамонӕгимӕ ӕмӕ раарфӕ кодта уагдоны кусджытӕ ӕмӕ ветерантӕн, хъусын кӕны паддзахады сӕргълӕууӕджы пресс-службӕ.
"Ӕддагон разысгӕрсты службӕ егъау хайбавӕрд хӕссы Хуссар Ирыстоны ӕдасдзинад ӕмӕ националон интерестӕ хъахъхъӕныны хъуыддагмӕ. Уӕззау уавӕрты уагдоны кусджытӕ ссарынц ахсджиаг бӕрӕггӕнӕнтӕ ӕмӕ эффективонӕй скъуыддзаг кӕнынц сӕ разы лӕууӕг хӕстӕ", - загъта президент.
Уагдоны сӕргълӕууӕг Гаглойты Андрей фидарӕй загъта президентӕн, Ӕддагон разысгӕрсты службӕ дарддӕр цӕсгомджынӕй кӕй ӕххӕст кӕндзӕн йӕ хӕстӕ.