ЦХИНВАЛ, 30 окт - Sputnik, Томайты Аманда. Цхинвалы ӕртыццӕджы фӕстаг хӕрзбон загътой сӕрмагонд ӕфсӕддон операцийы (СӔО) фӕмардуӕвӕг бархион Гаглойты Александрӕн.
Январы Александры бинонтӕ райдыдтой агурын хӕстоны, уымӕн ӕмӕ уый фӕстаг хатт бастдзинадмӕ рахызт 2023 азы ноябры. Мӕйы фӕстӕ ӕрбацыд информаци, Александр кӕй фӕмард, фӕлӕ йӕ мӕрдон буар эвакуаци кӕнынӕн нырма фадат нӕ уыд хӕстон архӕйдтыты тыххӕй ацы фадыджы.
Фыдохы митингмӕ ӕрбацыд республикӕйы къухдариуӕгад президент Гаглойты Аланы сӕргълӕудӕй, парламенты депутаттӕ, министрӕдтӕ ӕмӕ тыхон структурӕты разамонджытӕ, афтӕ ма хӕстоны хиуӕттӕ ӕмӕ ӕмгӕрттӕ.
Республикӕйы президенты барамындӕй Гаглойты Александры мӕлӕты фӕстӕ схорзӕхджын кодтой майдан "Фыдыбӕстӕ Хъахъхъӕнӕгӕн"-ӕй.
Александрыл цыд 42 азы. Баззад ын дыууӕ сывӕллоны.