ЦХИНВАЛ, 31 окт - Sputnik. Дзауы районы цыппӕрӕмы ахицӕн кӕндзысты дон аварийы тыххӕй, фехъусын кодтой районы администрацийы пресс-службӕйы.
"Цыппӕрӕмы 10.00 сахатӕй 13.00 сахаты онг районы нӕ уыдзӕн нуазыны дон", - дзырдӕуы хъусинаджы.
Специалисттӕ ныридӕгӕн кусынц авари аиуварс кӕныныл. Администрацийы бафтыдтой, зӕгъгӕ, цалцӕггӕнӕн куыстыты фӕстӕ донифтонгад цӕудзӕн штатон режимы.