Гаглойты Аланы фӕдзӕхстӕй "Мӕскуыйаг" микрорайоны сцалцӕг кӕндзысты спортивон зал

ЦХИНВАЛ, 31 окт - Sputnik. Хуссар Ирыстоны президент Гаглойты Алан бахӕс кодта аскъуыддзаг кæнын Цхинвалы микрорайон "Мæскуыйаг"-ы спортивон залы уæлхæдзар æмæ хъармгæнæн системæйы проблемæтæ, хъусын кæны паддзахады сæргълæууæджы пресс-службæ.

Спортзалы къухдариуæгад уый размæ бадзырдта президентмæ, цæмæй сын баххуыс кæна аскъуыддзаг кæнын къорд проблемæйы.

Гаглойты Алан цыппæрæмы бабæрæг кодта спортивон объект, афтæ ма æрныхас кодта уыцы рæстæджы уæгъдибар хъæбысхæсты секцийы цы сывæллæттæ архайдтой, уыдонимæ.

Пресс-службæ куыд хъусын кæны, афтæмæй президент радта фæдзæхст æмбæлон службæтæн, цæмæй æвæстиатæй иуварс кæной проблемæтæ.