ЦХИНВАЛ, 5 ноя - Sputnik. Режиссер Колыты Анатолийы киноныв "Авд сау гӕххӕтты" рамбылдта Гран-при IV Ӕхсӕнадӕмон кинофестиваль "Свидание с Россией. Территория народного единства"-йы, хъусын кӕны фестивалы пресс-службӕ.
Кинолентӕ рамбылдта сӕйраг приз хъазӕн ӕххӕстметражон кинонывты номинацийы, афтӕ ма хорзӕхтӕ композиторон ӕмӕ операторон куысты тыххӕй.
Кинонывыл куыстой режиссер Колыты Анатолий, уый ма у сценарийы автор Колыты Аланимӕ иумӕ, оператор – Рысбек Бокеев, музыкӕ ныффыста композитор Мӕхъиты Алан, продюсертӕ Сохъуырты Аслан, Эдуард Илоян, Денис Жалинский. Сӕйраг фӕлгонцтӕ ӕхӕст кодтой Лацоты Зита, Хъараты Максим, Аботы Зауырбег, Дзуццаты Дзамболат, Губиты Хъазбег ӕмӕ Кокойты Андрей.