ЦХИНВАЛ, 6 ноя - Sputnik. Цӕгат Ирыстоны къухдариуӕгад ацы аз рахицӕн кодта регионалон бюджетӕй ӕртӕ миллиард сомӕй фылдӕр республикӕйы цӕрджытӕн социалон ӕххуысӕн, фехъусын кодта РЦИ-Аланийы сӕргълӕууӕг Сергей Меняйло.
"Азы райдайӕнӕй рахицӕн кодтам 3 миллиард 387 милуан сомы цӕрджытӕн социалон ӕххуысӕн", - ныффыста Меняйло йӕ telegram-каналы.
Йӕ ныхӕстӕм гӕсгӕ, хицауад материалон ӕххуыс кӕны Сӕрмагонд ӕфсӕддон операцийы фӕмардуӕвӕг ӕмӕ фӕцӕфуӕвӕг ӕфсӕддонты бинонтӕн дӕр.
Сергей Меняйло бафтыдта, зӕгъгӕ, бюджетон политикӕйы приоритет у социалон-культурон къабаз, ацы секторыл цӕуы республикон хӕрдзты 67,2 проценты.