ЦХИНВАЛ, 7 ноя– Sputnik, Плиты Фатимӕ. Хуссар Ирыстон ӕмӕ Абхазы таможнӕйон комитеттӕ тагъд рӕстӕджы бафысдзысты бадзырд ӕмгуыстады фӕдыл. Уый тыххӕй мыхуыр ӕмӕ информацийы комитеты пресс-центры брифингы рӕстӕджы фехъусын кодта Хуссар Ирыстоны таможнӕйон комитеты сӕргълӕууӕг Цоциты Александр.
"Ӕхсӕнадӕмон таможнӕйон форумы фӕлгӕтты октябры ӕз развӕлгъау баныхас кодтон мӕ абхазаг коллегӕимӕ ӕмгуыстады бадзырд бафыссыны фӕдыл. Абоны боны онг махмӕ ахӕм бадзырд нӕ уыд", - загъта Цоциты Александр.
Йӕ ныхӕстӕм гӕсгӕ, ӕмгуыстады фӕдыл бадзырд фӕахъаз уыдзӕн дыууӕ республикӕйы таможнӕйон службӕтӕн.