ЦХИНВАЛ, 7 ноя — Sputnik. Хуссар Ирыстоны фæнд кæнынц фидын пенситæ алкæцы мæй 15-æм бон, Нацбанчы та кредиттæ фидыны æмгъуыд у 15-æм боны онг, уый тыхсын кæны республикæйы цæрджыты. Парламенты бюджет æмæ хъалонты фæдыл комитеты рабадтыл æрдзырдтой ацы фарстыл.
Фæллойады министр Гаглойты Олег куыд банысан кодта, афтæмæй республикæйы Сбербанк цæттæ у аскъуыддзаг кæнын проблемæ.
"Кæд фидæны пенситæ фидыны датæ ма фæива, уæд банк цæттæ у фæивын мидæггагон документтæ, цæмæй фарст лыг æрцæуа. Ноябры мах фæнд кæнæм 11-æм бонæй бафидын пенситæ, фидæны та хъуамæ уавæр фæива æмæ ахæм проблемæтæ мауал уой", - загъта министр.
Хуссар Ирыстоны Национ банчы сæргълæууæг Бекъойты Сослан банысан кодта, пенситæ исыны датæ куы фæива, уæд банк мæйы дæргъы æрнывыл кæндзæн техникон фарстытæ.