ЦХИНВАЛ, 13 ноя – Sputnik. Дзæуджыхъæуы байгом III Æхсæнадæмон медиафорум "PRO Кавказ" – мадзал æрæмбырд кодта журналисттæ, блогертæ, паддзахадон структурæты минæвæрттæ, эксперттæ æмæ бизнесменты æппæт Цæгат Кавказы федералон зылдæй, афтæ ма Хуссар Ирыстонæй.
Мадзалы инициатор – Цæгат Ирыстон-Аланийы сæргълæууæг Сергей Меняйло йæ раныхасы бахахх кодта, ахсджиаг кæй у иугонд информацион тыгъдад иумæйаг хæслæвæрдтæ скъуыддзаг кæнынæн.
"Нæ мадзалы нысан у æрбаиу кæнын Цæгат Кавказ æмæ Уæрæсейы æппæт хуссайраг медиа æхсæнад. Абоны бон махæн, сæйраджыдæр, журналисттæн хъæуы раст æмбарын нырыккон процесстæ, кусын иугонд информацион тыгъдады æмæ скъуыддзаг кæнын иумæйаг хæслæвæрдтæ", - хъусын кæны Меняйлойы ныхæстæ йæ пресс-службæ.
Форумы сæрмагонд уазджытæ, æфсæддон уацхæссæг Александр Сладков æмæ Михаил Пореченков, ралæууыдысты мадзалы хайадисджыты раз æмæ банысан кодтой, ахæм форумтæ актуалон æмæ ахсджиаг фæзуæттæ кæй сты профессионалон рæзтæн.