ЦХИНВАЛ, 12 ноя — Sputnik. Хуссар Ирыстоны боксертӕ хайад райсдзысты Уӕрӕсейы Адӕмон иудзинады боны турниры Ставрополы крайы, фехъусын кодта республикӕйы фӕсивӕдон политикӕ ӕмӕ спорты комитеты пресс-службӕ.
Ерысты хайад исдзысты 10-15 ӕмӕ 16-17 азты кары спортсментӕ, афтӕ ма хистӕр кары спортсментӕ дӕр.
Комитеты куыд банысан кодтой, афтӕмӕй Хуссар Ирыстоны спортивон кад боксерон турниры хъахъхъӕндзысты Кокойты Ирбег (1996 азы гуырд), Санахъоты Андрей (2007), Кокойты Эрик (2009), Козаты Гӕмӕт (2011) ӕмӕ Кокойты Ричард (2012).
Ерыстӕ ацӕудзысты 14-ӕй 17-ӕм ноябры.