ЦХИНВАЛ, 13 ноя - Sputnik. Цæгат Ирыстоны сæргълæууæг Сергей Меняйло бафыста æмгуыстады фæдыл бадзырд Президентон академи РАНХиГС-ы проректор Александр Ефремовимæ. Уый тыххæй Сергей Меняйло фехъусын кодта æртыццæджы йæ telegram-каналы.
"Бадзырдтам ауадзын ахуырадон æмæ зонадон проекттæ, уыдон уыдзысты пайда паддзахадон æмæ муниципалон службæгæнджытæн. Ахуырады гъæд æмæ профессионалон рæзтимæ баст у алцыдæр", - банысан кодта республикæйы сæргълæууæг.
Йæ ныхæстæм гæсгæ, Цæгат Ирыстон цæттæ у хайад исын академийы ахуырадон программæты.
Афтæ ма Меняйло фехъусын кодта, республикæйы кæй фæнд кæнынц саразын РАНХиГС-ы минæварад æмæ уадзын дистанцион курсытæ æмæ стажировкæ университетты ахуыргæнджытæн.