ЦХИНВАЛ, 13 ноя - Sputnik. Уæрæсейы Федерацийы премьер-министр Михаил Мишустин фембæлд Иугонд Нациты Организацийы (ИНО) генералон секретарь Антониу Гутеррешимæ, хъусын кæны РИА Новости.
Фембæлд ацыд климаты ивынады фæдыл Иугонд Нациты Организацийы Конференцийы 29-æм сессийы фæлгæтты Бакуйы.
Уый размæ Мишустин æрцыд Бакумæ, цæмæй хайад райса климаты ивынады фæдыл Иугонд Нациты Организацийы Конференцийы 29-æм сессийы.
Уымæй дарддæр уæрæсейаг хицауады сæрдары нывæсты ис баныхас Азербайджаны премьер Али Асадовимæ, афтæ ма фембæлд республикæйы президент Ильхам Алиевимæ.
Октябры Гутеррешимæ фембæлд Уæрæсейы президент Владимир Путин. Баныхас ацыд БРИКС-ы саммиты фæлгæтты. Татарстанмæ балц ИНО-йы генсекæн уыд фыццаг балц Уæрæсемæ 2022 азæй фæстæмæ.