ЦХИНВАЛ, 13 ноя – Sputnik. Хуссар Ирыстоны Националон банчы сӕрдар Бекъойты Сослан ӕмӕ Уӕрӕсейы Банчы сӕрдары хӕдивӕг Сергей Белов ӕрдзырдтой ӕмгуыстады фарстытыл.
Фарсытӕ ӕрдзырдтой финансон базары райрӕзтыл, цӕрджытӕн банкон лӕггӕдты гъӕд фӕфылдӕр кӕныныл ӕмӕ информацион ӕдасдзинады фарстытыл.
Фембӕлды рӕстӕджы фарсытӕ бадзырдтой, цӕмӕй Хуссар Ирыстоны финансон секторы минӕвӕрттӕ хайад райсой Уӕрӕсейы Банчы Университеты квалификаци фӕбӕрзонддӕр кӕныны программӕты.
Уӕрӕсейы Банк йӕхирдыгӕй равдыста цӕттӕдзинад ӕххуыс кӕнгын сӕ хуссарирыстойнаг коллегӕтӕн информацион ӕдасдзинад ӕмӕ IT технологиты къабазы.