ЦХИНВАЛ, 14 ноя — Sputnik. Режиссер Колыты Анатолийы киноныв "Авд сау гӕххӕтты" ирон ӕвзагыл оригиналон озвучкӕимӕ райста сӕрмагонд диплом XXI Ӕхсӕнадӕмон хӕрзаудӕн кинофестиваль "Лучезарный ангел"-ы Мӕскуыйы, хъусын кӕны националон телеканал Осетия-Ирыстон.
Кинонывыл куыстой режиссер Колыты Анатолий, уый ма у сценарийы автор Колыты Аланимӕ иумӕ, оператор – Рысбек Бокеев, музыкӕ ныффыста композитор Мӕхъиты Алан, продюсертӕ Сохъуырты Аслан, Эдуард Илоян, Денис Жалинский. Сӕйраг фӕлгонцтӕ ӕхӕст кодтой Лацоты Зита, Хъараты Максим, Аботы Зауырбег, Дзуццаты Дзамболат, Губиты Хъазбег ӕмӕ Кокойты Андрей.