ЦХИНВАЛ, 15 ноя - Sputnik. Хуссар Ирыстоны Фӕсарӕйнаг хъуыддӕгты министр Джиоты Ӕхсар арвыста тӕфӕрфӕсы нотӕ Сирийы фӕсарӕйнаг хъуыддӕгты министр Бассам Саббагӕн Израилы авиаци Дамаскы центр кӕй фехста, уый фӕдыл, фехъусын кодта хуссарирыстойнаг ӕддагполитикон уагдоны пресс-службӕ.
Дамаскы цӕрӕн кварталтӕ Маззе ӕмӕ Кудсеяйы авиацӕфы фӕстиуӕгӕн амардысты сабыр цӕрджытӕ, афтӕ ма пырх ӕрцыд граждайнаг инфраструктурӕ.
Джиоты Ӕхсар тӕфӕрфӕс ракодта фӕмардуӕвджыты хиуӕттӕн.