ЦХИНВАЛ, 15 ноя — Sputnik. Цӕгат Ирыстоны гом фыццагады уӕззау атлетикӕйӕ хайад райсдзысты ӕхсӕз хуссарирыстойнаг спортсмены, фехъусын кодта Хуссар Ирыстоны фӕсивӕдон политикӕ ӕмӕ спорты фӕдыл комитеты пресс-службӕ.
Ерыстӕ ацӕудзысты сабаты, 16 ноябры, Дзӕуджыхъӕуы.
"Турниры хайад райсдзысты 2010 азы гуырд ӕмӕ кӕстӕрдӕр спортсментӕ, се ‘хсӕн ӕхсӕз хуссарирыстойнаг уӕзисӕджы", - дзырдӕуы хъусинаджы.
Пресс-службӕйы бафтыдтой, зӕгъгӕ, ерысты нысан у фӕбӕрзонддӕр кӕнын уӕззау атлетикӕйы спортсменты курдиат ӕмӕ ӕрбаздахын уӕззау атлетикӕмӕ фӕсивӕды минӕвӕртты.