ЦХИНВАЛ, 15 ноя - Sputnik. Хуссарирыстойнаг хъӕбысӕйхӕцӕг Бекъойты Валерий рамбылдта балцӕг Уӕрӕсейы фыццагадмӕ, уымӕн ӕмӕ бацахста ӕртыккаг бынат ӕппӕтуӕрӕсеон ерысты Нальчикы (Кӕсӕг-Балхъар), хъусын кӕны РХИ фӕсивӕдон политикӕ ӕмӕ спорты фӕдыл комитеты пресс-службӕ.
Ерысты хайад истой 16 азы онг кары спортсментӕ. Бекъойты Валерий архайдта 85 килограммы уӕзы категорийы ӕмӕ бацахста ӕртыккаг бынат.
"Ацы ӕнтысты руаджы уый райста балцӕг Уӕрӕсейы фыццагадмӕ", - банысан кодтой комитеты.
Спортсмен тренировкӕ кӕны тренертӕ Гӕджиты Артур ӕмӕ Гӕззаты Аланы къухдариуӕгады бын.