ЦХИНВАЛ, 15 ноя - Sputnik. Хуссар Ирыстоны ӕнӕниздзинад хъахъхъӕнынады министрад ӕмӕ Цӕгат Ирыстоны паддзахадон медицинон академи бафыстой ӕмгуыстады фӕдыл бадзырд, фехъусын кодта майрӕмбоны министрады пресс-службӕ.
Документы бын сӕ къухфысттӕ ӕрывӕрдтой республикӕйы ӕнӕниздзинад хъахъхъӕнынады министр Джыгкайты Томас ӕмӕ университеты ректор Олег Ремизов.
Бадзырдмӕ гӕсгӕ, уагъд цӕудзӕн иумӕйаг архайд, уымӕн йӕ сӕйраг здӕхт уыдзӕн специалистты цӕттӕкӕнынад уӕлдӕр ахуырады программӕтӕм гӕсгӕ. Афтӕ ма бадзырды фӕлгӕтты уадздзысты квалификаци фӕбӕрзонддӕр кӕныны программӕтӕ, медицинон консультацитӕ, конференцитӕ ӕмӕ симпозиумтӕ.
РХИ Ӕнӕниздзинад хъахъхъӕнынады министрад бафыста бадзырд Цӕгат Иры медакадемиимӕ
© Photo : Пресс-служба Минздрава РЮО