ЦХИНВАЛ, 17 ноя - Sputnik, Дзӕгъиаты Олег. Хуссар Ирыстоны Цхинвал-Дзау трассӕйыл хуыцаубоны ӕрцыд фӕндагон-транспортон цау. Subaru хӕдтулгӕ сфӕлдӕхт, уый фӕстиуӕгӕн транспортон фӕрӕз ссыгъд.
Шофыры бакодтой Республикон бирӕпрофилон медицинон центрмӕ.
Хуссар Ирыстоны Ӕнӕниздзинад хъахъхъӕнынады министрады пресс-службӕйы фехъусын кодтой, хӕдтулгӕйы шофыр кӕй ис уӕззау уавӕры.
"Цхинвал-Дзау трассӕйы аварийы зианбаййафӕджы уавӕр у уӕззау. 23-аздзыд пациент ис реанимацийы", - дзырдӕуы хъусинаджы.
Медиктӕ алцыдӕр аразынц, цӕмӕй йӕ фервӕзын кӕной, бафтыдтой министрады.