ЦХИНВАЛ, 20 ноя - Sputnik. Хуссар Ирыстоны Хъахъхъæнынады министрады райдыдта æфсæддон æмæ сæрмагонд техникæйы егъау цалцæг, цæмæй йæ бацæттæ кæной эксплуатацийы зымæгон периодмæ, фехъусын кодта æртыццæджы уагдоны пресс-службæ.
"Техникæ сцалцæг кæнынæн арæзт æрцыдысты æппæт уавæртæ", - банысан кодтой министрады.
Куыстытæ уагъд цæуынц хъахъхъæнынады министры хæцæнгарзы фæдыл хæдивæджы къухдариуæгады бын. Уый æрвылбон хъусын кæны хъахъхъæнынадон уагдоны разамонæг Сабанты Иналæн куыстытæ æмæ проблемон фарстыты тыххæй.
Цалцæггæнæн куыстыты фæстæ æфсæддонтæ фæнд кæнынц ауадзын хæстон техникæмæ фæлгаст, цæмæй сбæрæг кæной йæ цæттæдзинад эксплуатацийы зымæгон периодмæ, бафтыдтой министрады.