ЦХИНВАЛ, 20 ноя - Sputnik. Цӕгат Ирыстоны байгом уыдзысты ноджы дыууӕ туристон информацион центры нацпроект "Туризм ӕмӕ уазӕгуарзондзинады индустри"-йы активон хайадисты руаджы, фехъусын кодта республикӕйы сӕргълӕууӕг Сергей Меняйло.
Ацы нацпроекты руаджы республикӕйы ныридӕгӕн бакодтой ӕртӕ туристон информацион центры, сарӕзтой дӕсгай глэмпингтӕ.
"Ног объекттӕ уыдзысты Алагиры ӕмӕ Горӕтгӕрон районы. Автортӕ сӕ проектты реализацийӕн райстой фӕйнӕ 10 милуан сомы. Туристон информацион центрты уазджытӕн фадат уыдзӕн райсын информаци республикӕйы маршруттӕ ӕмӕ фендтаг бынӕтты тыххӕй, базонын сыгъдӕг бынӕтты хидарыны фӕкттӕ, балхӕнын сувениртӕ бынӕттон ӕрмдӕснытӕй", - радзырдта Меняйло.
Йӕ ныхӕстӕм, цӕгатирыстойнаг специалисттӕ активон куыст кӕнынц, цӕмӕй республикӕйы бахӕссой алыгъуызон паддзахадон программӕтӕ ӕмӕ гранттӕм.