ЦХИНВАЛ, 21 ноя – Sputnik, Томайты Аманда. Хъӕбатырдзинад ӕмӕ адӕмон иудзинады боны фӕдыл хуссарирыстойнаг скъоладзаутӕм ӕнхъӕлмӕ кӕсынц дӕргъвӕтин улӕфт бонтӕ.
Хуссар Ирыстоны цӕрджытӕн уыдзӕн цыбыр кусӕгон къуыри. Бӕрӕгбонон бонтӕ ӕмӕ зӕрдылдарӕн датӕты къӕлиндармӕ гӕсгӕ, цӕрджытӕ улӕфдзысты ӕртӕ боны – 23, 24 ӕмӕ 25 ноябры.
"Скъоладзаутӕн ахуыр райдайдзӕн дыццӕджы, 26 ноябры", - банысан кодтой министрады.
Хуссар Ирыстоны 23 ноябрь хаст æрцыд бæрæгбонон бонтæ æмæ зæрдылдарæн датæты къæлиндармæ æмæ нымад цæуы улæфт боныл.